Wah Kiya Jood o Karam Hai Shahey Batha Tera Lyrics

Wah Kiya Jood o Karam Hai Shahey Batha Tera
Nahi Sunta Hee Nahi Maangney Waala Tera

Dhaarey Chaltey Hain ‘Ataa Key Wo Hai Qatra Tera
Taarey Khiltey Hain Sakhaa Key Wo Hai Zarrah Tera

Aghniya Paltey Hain Dar Sey Wo Hai Baaraa Tera
Asfiyaa Chaltey Hain Sar Sey Wo Hai Rastaa Tera

Farsh Waaley Teyri Shaukat Ka ‘Uloo Kya Jaaney
Khusrawaa ‘Arsh Pey Urta Hai Phareyraa Tera

Mey To Maalik Hee Kahunga Key Ho Maalik Key Habib
Yaani Mehboob-o-Mohib Mey Nahi Meyra Tera

Terey Qadmon Mey Jo Hain Gheyr Ka Munh Kya Daikhain
Kaun Nazron Pey Charey Daikh Key Talwah Tera

Eyk Mey Kya Merey ‘Isyaan Ki Haqeeqat Kitnee
Mujh Sey Sau Lakh Ko Kaafi Hai Ishaara Tera

Terey Tukron Pey Paley Gheyr Ki Thokar Pey Na Daal
Jhirkiyan Khaaye Kahaan Chor Key Sadqa Tera

Tu Jo Chaahey To Abhee Meyl Merey Dil Key Dhuley
Key Khuda Dil Nahi Karta Kabhi Meyla Tera

Haram-o-Taibah-o-Baghdad Jidhar Keejiye Nigaah
Jot Parti Hai Tiri Noor Hai Chantaa Tera

Teyri Sarkaar Mey Laata Hai RAZA Uss Ko Shafee
Jo Meyra Ghaus Hai Aur Laadlaa Beyta Tera

2 Comments

  1. Saima Fayaz May 9, 2017
  2. Saima Fayaz May 9, 2017

Leave a Reply