Sultane Jahan Mehboobe Khuda, Teri Shaano Shaukat Kya Kehna
Har Shay Pe Likha Hai Naam Tera, Tere Zikr Ki Raf’At Kya Kehna
1. Hai Sar Par Taaj Nabuwwatka, Jora Hai Tan Pe Karamat Ka
2. Sehra Hai Jabin Par Shafa’Aat Ka, Ummat Pe Hai Rehmat Kya Kehna
Sultane Jahan
3. Mairaj Hui Ta Arsh Gaye, Haqq Tum Se Mila Tum Haqq Se Miley
4. Sab Razey Fa Awha Dil Pe Khuley, Yeh Izzato Hashmat Kya Kehna
Sultane Jahan
5. Sab Misle Hatheli Peshe Nazar, Har Ghaib Ayan Hain Sine Par
6. Yeh Noore Nazar Yeh Chashm-O-Basar, Yeh Ilmo Hikmat Kya Kehna
Sultane Jahan
7. Siddique-O-Umar, Usman-O-Ali Aur Unke Siva Ashabey Nabi
8. Qurban Rahey Aqa Pe Sabhi, Ki Khub Rifaqat Kya Kehna
Sultane Jahan
9. Ankhon Se Kiya Dariya Jari Aur Lab Pe Dua Pyari, Pyari
10. Ro-Ro Ke Guzari Shab Sari, Aey Hamiye Ummat Kya Kehna
Sultane Jahan
11. Shohrat Hai Jamil Itni Teri, Yeh Sab Hai Karamat Murshid Ki
12. Kehte Hain Tujhe Madda-Hey Nabi, Sab Ahley Sunnat Kya Kehna
Sultane Jahan
Author: Janaab Sufi Jamil Ur-Rehman Qadri Rizvi
COMMENTS