Magroor Na Ho Apne Muqaddar Pe O Nadan

Lyrics to ‘Magroor Na Ho Apne Muqaddar Pe O Nadan’:

Magroor Na Ho Apne Muqadar Pe Aye Nadan
Allah ki nazron me barabar hai insan

Duniya ke ajab rang nazar ane lage hain
Ek beta hai jo baap se takrane lage hain

Ek baap hai jo beta se takrane lage hain
Ek bhai hai jo bhai se takrane lage hain

Afsos hai ke insan bhi ban jata hai shaitan
Allah ki nazron me barabar hai sab insan

Maghroor na ho apne muqaddar pe ae nadan
Allah ki nazron me barabar hai insan

Ye saaz ye mahfil ye tarane na rahenge
Ye husn-o-mohabbat ke fasane na rahenge

Mit jayega ek pal me gunahon ka ye saman
Allah ki nazron me barabar hai sab insan

Maghroor na ho apne muqaddar pe ae nadan
Allah ki nazron me barabar hai insan

Zalim ko bhi har zulm se baaz aana padega
Looti hui har cheez ko lautana padega

Qudrat ka ye qanoon badalna nahin aasan
Allah ki nazron me barabar hai har insan

Maghroor na ho apne muqaddar pe ae nadan
Allah ki nazron me barabar hai insan

Leave a Reply

Your email address will not be published. Required fields are marked *

error: Content is protected !!