Kabe Ke Dar Ke Samne Mangi Hai Ye Dua Faqat Lyrics

Kabe Ke Dar Ke Samne Mangi Hai Ye Dua Faqat
Haathon Mey Hashr Tak Rahey Daaman e Mustafa Faqat

Apney Karam Sey Ai Khuda ‘Ishq e Rasool Kar ‘Ataa
Aakhree Dum Labon Pey Ho Salley ‘Alaa Sadaa Faqat

Taibah Ki Seyr Ko Chalain Qadmon Mey Unki Jaan Dey
Dafn Ho Unkey Shehar Main Hai Yahi Ilteja Faqat

Naz’a Key Waqt Jab Meyri Saanson Mey Inteshaar Ho
Meyri Nazar Key Saamney Gumbad Ho Wo Haraa Faqat

Munkar Nakeer Qabr Mey Ham Sey Sawaal Jab Karain
Aisey Mey Wird Ham Rakhain Aap Key Naam Ka Faqat

Duniya Ki Saari Ne’matain Meyri Nazar Mey Heych Ho
Rakhney Ko Sar Pey Gar Miley Naa’lain e Mustafa Faqat

Na’atain Rasool e Paak Hai Nazmi Ka Maqsad e Hayaat
Qabr Mey Bhi Labon Pey Ho Sarkaar Ki Sanaa Faqat

Leave a Reply