Dard e Dil Kar Mujhey Ataa Ya Rab

Dard e Dil Kar Mujhey ‘Ataa Ya Rab
Dey Merey Dard Ki Dawaa Ya Rab

Laaj Rakhley Gunah Gaaron Ki
Naam Rahmaan Hai Teyra Ya Rab

‘Ayb Merey Na Khol Mehshar Mey
Naam Sattaar Hai Teyra Ya Rab

Bey Sabab Bakhsh Dey Na Pooch ‘Amal
Naam Ghaffaar Hai Teyra Ya Rab

Bhool Kar Bhi Na Aaye Yaad Apni
Merey Dil Sey Mujhey Bhula Ya Rab

Khaak Kar Apney Aastaaney Ki
Yoon Hamain Khaak Mey Mila Ya Rab

Teyri Jaanib Yeh Musht Khaak Urey
Bheyj Aisee Koi Hawa Ya Rab

Sabaqat Rahmati ‘Alaa Ghazabi
Tu Ney Jab Sey Suna Diya Ya Rab

Aasraa Ham Gunah Gaaron Ka
Aur Mazboot Ho Gaya Ya Rab

Tu Ney Merey Zaleel Haathon Mey
Daaman e Mustafa Diya Ya Rab

Kar Diya Tu Ney Qadri Mujh Ko
Teyri Qudrat Key Mey Fida Ya Rab

Tu Hasan Ko Utha Hasan Kar Key
Ho Ma’al Khair Khaatima Ya Rab

Supplication By: Ustaad e Zaman, Hazrat ‘Allama Hasan Raza Khan ‘Alaihir Rahmah

COMMENTS

Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x